Pekanbaru, 9 Fébruari 2025 – Puncak Dipiélingna Hari Pers Nasional (HPN) 2025 di Riau dihadiran inohong ti dunya pers, pamaréntahan jeung masarakat. Kitu deui dihadiran Kapolri nu diwakilan ku Kadiv Humas Mabes Polri Irjen Pol Sandi Nugroho, PJ. Gubernur Provinsi Riau, Kapolda Riau Irjen Pol Mohammad Iqbal, Ketua DPRD jeung pingpinan DPRD Provinsi Riau, tamu luar negeri sarta konstituen Déwan Pers.
Hadir ogé pangurus PWI Pusat jeung daérah seperti Ketua Déwan Kehormatan Sasongko Tedjo, Ketua Déwan Penasehat PWI Ilham Bintang, Tribuana Said, Timbo Siahaan, Ketua PWI Riau Raja Isyam Aswar jeung para Ketua PWI Daérah.
Dina biantarana ngaliwatan vidéo, Menteri Komunikasi dan Digital (Menkomdigi) Meutya Hafid ngawilujengkeun kana Hari Pers Nasional 2025 keur sakabéh insan Pers di Indonésia. Kitu deui nyebutkeun yén Hari Pers Nasional nyaéta Waktuna Mentés Kawani, Integritas, jeung Sumanget Juang insan Pers Indonésia.
“Pers sanés ukur janten saksi sajarah, tapi ogé nu ngagerakkeun parobahan. Pers kedah tetep tiasa ngajaga démokrasi,” ceuk Meutya Hafid.
Ketua Umum PWI Pusat, Zulmansyah Sekedang, dina pidatona nyebutkeun yén kondisi pers di Indonésia kiwari keur kurang hadé. Kitu deui PWI nu keur nyanghareupan masalah gedé.
“Taun ieu perayaan HPN sanés ukur digelar di Riau, tapi ogé di Kota Banjarmasin sareng Solo. Ieu téh balukar ayana bénten pamadegan nanjeurkeun integritas, nu nyababkeun kiwari PWI nuju kirang hadé, ” ceuk Zulmansyah.
Marthen Selamet Susanto, Ketua Panitia HPN Riau 2025, nepikeun aprésiasi kana naon nu geus dilaksanakeun sarta kolaborasi sakabéh pihak nu geus ngadukung acara éta.
“Dipiélingna HPN taun ieu sanés ukur supados émut kana lahirna PWI, tapi ogé kanggo nguatan wawasan sareng silaturahmi antara insan pers sareng masarakat. Ku hadirna langkung ti 1.500 jalmi, janten bukti yén urang sadaya sapamadegan pikeun majukeun pers di Indonésia,” ceuk Marthen anu ogé nganuhunkeun ka sakabéh pihak nu geus ngarojong kana kagiatan éta. ***
Manglé 3015
Leave a comment