Kota Bandung — Sawatara rékomendasi ditepikeun ka Pansus 2 DPRD Kota Bandung nu keur ngabahas, Rancangan Peraturan Daerah (Raperda) ngeunaan Pembinaan Ideologi Pancasila, dina palaksanaanana diusulkeun ka Pansus 2 DPRD Kota Bandung, salah sahijina parobahan judul Raperda tina Pembudayaan Ideologi Pancasila dan Wawasan Kebangsaan menjadi Pembinaan Ideologi Pencasila dan Wawasan Kebangsaan.
Hal éta ditétélakeun ku Wakil Ketua Pansus 2 DPRD Kota Bandung, Erick Darmadjaya, B.Sc. M.K.P., nu nepikeun naskah akademik patali Raperda ka BPIP, nu bagéakeun ku arinyana. Badan Pembinaan Ideologi Pancasila (BPIP) nepikeun sawatara catetan kana Raperda Kota Bandung ngeunaan Pembudayaan Ideologi Pancasila dan Wawasan Kebangsaan. Lian ti méré rékomendasi parobahan judul, aya sababaraha poin nu kudu disaluyukeun. Nurutkeun Wakil Ketua Pansus 2, keur judul mah kudu luyu da nomenklatur ngawaragadan téh kudu sarua jeung Sistem Informasi Pemerintahan Daerah (SIPD).
“Rékomendasi nu sanésna kanggo Pasal 8 nu nétélakeun yén Pembinaan Ideologi Pancasila dan Wawasan Kebangsaan pikeun siswa/mahasiswa/peserta didik lian, organisasi politik, organisasi kemasyarakatan/lembaga nirlaba lianna, Aparatur Sipil Negara, guru/pendidik, tokoh agama/adat masarakat/kelompok lianna. Di naskah akademik teh kacatet écésna masarakat atanapi kelompok, janten kedah disampurnakeun,” ceuk Erick tandes naker.
Erick ngémbohan yén Pasal 9 dirékoméndasikeun jadi Pembinaan Ideologi Pancasila dan Wawasan Kebangsaan digelar ngaliwatan sosialisasi, pendidikan, pelatihan jeung advokasi. Dina naskah akademik kacatet Pembudayaan Ideologi Pancasila dan Wawasan Kebangsaan digelar ngaliwatan Pendidikan Formal, Pendidikan Nonformal, Pendidikan Informal, jadi kudu disaluyukeun.
Raperda éta tas asup kana tahap finaslisasi, ngan kudu ayan u disaruakeun. Éta Raperda inisiatif ti Fraksi PSI téh kungsi katunda saacan diajukeun. Inisiatif éta dirojong kalayan kamandang ti sawatara pihak sangkan leuwih gancang dibahas, nya dititipkeun ka organisasi perangkat daerah. Lantaran éta, raperda asup Kesbangpol. Éta perda téh penting pisan lantaran beuki ngipisan idéologi di masarakat.
“Mucunghul kahariwang, margi masarakat kiwari, utamana nonoman, tos teu émut kana jasa-jasa pahlawan atanapi véteran. Tas teu uninga deui kumaha perjoangan pahlawan dugikeun ka Indonésia merdéka,” pokna.
Basa Erick ngalaksanakeun résés téh pihakna remen tumanya ka masarakat patali jeung idéologi nagara. Loba nu ngajawab dumasar agamana masing-masing. Ku kaayaan kitu tangtu butuh upaya nguatan ideologi Pancasila ka masarakat.***
Leave a comment