Home Warta Katumbiri Ngareuah-reuah Milangkala ka-34 Telkom University Midangkeun Rupaning Inovasi nu Ngarojong SDG’s  
Katumbiri

Ngareuah-reuah Milangkala ka-34 Telkom University Midangkeun Rupaning Inovasi nu Ngarojong SDG’s  

“SDGs téh wangun  sinergi sareng kolaborasi antar pihak, SDGs téh cita-cita saréréa. Dina palaksanaanana kedah konsisten. Sinergitas kedah dijagi malar urang sadayana tiasa maparin kontribusi ka masarakat,” ceuk Adiwijaya di Bandung (2/12/2024).

Share
foto bersama civitas akacemika Universitas Telkom
foto bersama civitas akacemika Universitas Telkom
Share

Kab. Bandung – Telkom University (Tel-U) téh kampus swasta unggul di Indonésia nu boga visi jadi National Excellence Entrepreneurial University taun 2028. Méré kontribusi dina nyumponan tujuan pangwangunan nu mayeng (SDG’s). Ku kituna Tel-U terus medalkeun lulusan nu miboga daya saing global sarta mampuh nyiptakeun budaya riset jeung inovasi nu ningkatkeun ajén hirup masarakat.

Ketua Telkom University Anniversary Dr. Anisah Firli nétélakeun yén Telkom University Anniversary nu ka-34 jejerna SDG’s For Indonesia: Sustainable Development Goals (SDGs) & Entrepreneurial. Ketak Tel-U nu ngarojong pamaréntah dina ngawujudkeun Pelaksanaan Pencapaian Tujuan Pembangunan Berkelanjutan.

Talkshow bubuka medar ‘SDGs for Indonesia’ dihadiran ku Kepala Seknas SDGS’s Indonesia Bahjuri Ali, Komisaris Utama PT Telkom Indonesia, Tbk., Prof. Bambang Permadi Soemantri Brodjonegoro, S.E., M.U.P., Ph.D.,; Direktur Utama PT. Allo Bank Indonesia, Tbk., Indra Utoyo; CEO Digital Power Huawei Indonesia, Jin Song; CEO Edelweiss Healthcare Group, Syauqi Robbani.

Dina biantarana, Rektor Telkom University, Prof. Adiwijaya ngaapresiasi sakumna pihak nu tas ngarojong tur kolaborasi jeung Tel-U dina ngawujudkeun visi. 

“SDGs téh wangun  sinergi sareng kolaborasi antar pihak, SDGs téh cita-cita saréréa. Dina palaksanaanana kedah konsisten. Sinergitas kedah dijagi malar urang sadayana tiasa maparin kontribusi ka masarakat,” ceuk Adiwijaya di Bandung (2/12/2024).

Komisaris Utama, PT Telkom Indonesia, Tbk., Prof. Bambang Brodjonegoro nétélakeun yén jaman kiwari sagala aspék pakait jeung SDGs. SDG’s téh nyebar teu ningali kasang tukang ékonomi, kategorisasi negara, atawa sawatara kelompok sosial.

“SDGs relevan sareng kaayaan ayeuna. Dina ngariksa lingkungan butuh komitmen sareng kolaborasi boh pamaréntah, kampus, sareng industri sangkan tiasa babarengan.” pokna.

Bupati Kabupaten Bandung, Dr. H. M. Dadang Supriatna, S.IP., M.Si., ngaapresiasi digelarna Tel-U Anniversary nu jejerna SDGs. Nurutkeun Kang DS SDGs téh palakiah pikeun pangwangunan nu mayeng. Kang DS nganuhunkeun kana kontribusi Tel-U nu karasa masarakat.

Aya opat talkshow nu medar rupaning hal ti mimiti kontribusi SDGs pikeun Indonesia, Creativepreneur, Pendidikan Berdaya Saing Global, Entrepreneur Talks jeung Alumni Tel-U.  Demi nu jadi narasumberna nyaéta Putri Tanjung, CEO Trans Digital Lifestyle Group, sarta Founder sakaligus CEO CXO CTO CT Group; Kepala LLDIKTI IV, Dr. H. M. Samsuri; Rektor Tel-U, Prof. Dr. Adiwijaya; Rektor Universitas Padjadjaran, Prof. dr. Arief S. Kartasasmita, Sp.M(K)., M.Kes., Ph.D; CSO & Founder Aruna, Utari Octaviatny; CMO & Co-Founder IdCloudHost, M. Mufid Luthfi; CEO & Founder INTERA, Febrian Farera Irawan.

Di venue acara gé digelar Market Day 2024, méré fasilitasi ka 290 kelompok usaha nu diiluan ku leuwih ti 3.200 mahasiswa. Laju paméran produk Inovasi ti Bandung Techno Park (BTP), Innovillage, produk-produk kolaborasi Tel-U jeung sababaraha perusahaan.

Tel-U néken MoU jeung Allobank, pamasrahan produk Innovillage ti Tel-U ka Telkom Indonesia, néken komitmen antara Tel-U jeung Persatuan Orang Tua Anak dengan Down Syndrom (POTADS), sarta pamasrahan 20 unit rompi down syndrome dumasar Internet of Things (IoT). Puncak Anniversary ditutup ku pintonan musik Mahalini jeung Padi Reborn.

Kagiatan Anniversary Tel-U 2024 lumangsung kalayan pangrojong: Telkom Indonesia, Yayasan Pendidikan Telkom, Allobank, Telkomsel, Telkom Metra, Mitratel, Ruijie, Huawei, Intera, Poca Group, Asus Business, Edelweiss Hospital, WH, AdhiVasindo, PT Dayak Nusantara Bersatu, Amaqita, Ngiklanmurah.com, Bank DKI Syariah, Telin (PT Telekomunikasi Indonesia Internasional, Telkom Infra, Telkom Akses, Telkomsat, Telkom Prima Cipta Certifia, Yakes-Telkom, Chitose, Epson, Sidola Computer, CV. Inti Surya Pratama, MTM (PT Media Telekomunikasi Mandiri), Tower Bersama Group, Bank Mandiri, Kartika Sari, Hewlett Packard Enterprise, Bank Syariah Indonesia, Hewlett Packard Enterprise (HPE), Id Cloud Host, Crayon, Pegadaian, by.U, SSC (Strategic Solution Center), Finnet, Infomedia, Dapen Telkom, Pt. Bhakti Unggul Teknovasi, MS (Mitra Sanjaya), Koptera, Koperasi GIAT, P.D. Amru Jaya, CV. Charisma Profil, BTN Syariah, Phapros, Mitra Karya Teknologi, PT Aneka Niaga Global, Bank Muamalat Indonesia, Podomoro Park, Neuron, BNI, Bank BJB, Tetujuhenam.***

Mangle No. 3006

Share
Written by
Yadi Karyadipura -

Wartawan & Pangarang. Jajatén ninggang papastén.

1 Comment

Tinggalkan Balasan

Related Articles
Katumbiri

Plt IKWI Resmi Ditunjuk Dina Perayaan HPN 2025 di Riau

PEKANBARU:  Ikatan Keluarga Wartawan Indonésia (IKWI) ngalaksanakeun silaturahmi nasional jeung konsolidasi nu...

Katumbiri

Puncak Dipiélingna HPN 2025 di Riau Menkomdigi: Waktuna Mentés Kawani, Integritas, jeung Sumanget Juang

Pekanbaru, 9 Fébruari 2025 – Puncak Dipiélingna Hari Pers Nasional (HPN) 2025...

Katumbiri

Ngararapih Réklame di Kota Bandung Butuh Perda Anyar

Kota Bandung – Ketua Pansus 3 DPRD Kota Bandung, Dr. Ir. H....

Katumbiri

Dibekelan Sertifikat BNSP Lulusan SMKN 5 Bandung Babari Digawé

Kota Bandung – Siswa tingkat ahir di sakabéh jurusan nu aya di...