BANDUNG – Persatuan Wartawan Indonesia (PWI) Provinsi Jawa Barat jeung Ketua PWI Kab/Kota sa-Jawa Barat negeskeun deui komitmenna tetep ngadukung kapangurusan hasil Kongres Luar Biasa (KLB) Januari 2024 nu geus kaliwat.
Komitmen éta ditandeskeun dina pernyataan sikep saréngséna acara halal bihalal di aula PWI Jawa Barat Jalan Wartawan II No. 23, Léngkong, Kota Bandung, Saptu (12/4/2025).
Lian pangurus Jawa Barat, dihadiran ogé panaséhat jeung 20 Ketua PWI Kab/Kota sarta sekretaris jeung bendahara. Sedengkan ketua kabupatén/kota nu teu bisa hadir, panceg ngadukung putusan rapat koordinasi (Rakor) harita.
Dina Rakor éta aya anu disaluyuan nyaéta:
1. Henteu ngaku ayana pembekuan pangurus PWI Provinsi Jawa Barat.
2. Henteu ngaku ayana plt Ketua PWI Provinsi Jawa Barat.
3. Taat kana hasil putusan pléno PWI Jawa Barat sarta PWI Kab/Kota 22 Séptémber 2024, sarta tetep panceg ngadukung KLB.
4.Tetep solid sapamadegan jeung nolak digelarna KLB Provinsi nu bakal dilaksanakeun ku plt versi Hendry CH Bangun.
5. Tetep ngaku Hilman Hidayat minangka Ketua PWI Provinsi Jawa Barat sarta Zulmansyah Sekedang minangka Ketua Umum PWI Pusat.
6. Tetep ngaku Oland PH Sibarani minangka Ketua DK Provinsi Jawa Barat sarta Sasongko Tedjo minangka Ketua DK PWI Pusat.
7.Ngadorong dilakukeun rékonsilisasi deui pikeun ngaréngsékeun polémik (dualisme) di PWI.
“Dinten ieu sim kuring nandeskeun yén Jawa Barat tetep solid ngadukung KLB. Sarta teu kapangaruhan ku ayana surat pembekuan Jawa Barat sarta ditunjukna plt,“ ceuk Hilman.
Hilman ogé umajak ka sakabéh Ketua PWI Kabupatén/Kota di Jabar, tetep ngalaksanakeun gawé saperti biasana.
“Ulah kapangaruhan ku ayana konflik di PWI Pusat sareng isu dualisme di PWI Jabar. Urang sadaya tetep solid sareng beraktivitas sepertos biasa,” ceuk Hilman deui.
Sangsi Tegas
Saacan Rakor ditutup, para ketua PWI Kabuptén/Kota ogé ngadesek sangkan PWI Jabar méré sangsi tegas ka anggota nu henteu taat kana putusan pléno PWI Jawa Barat.
“Sim kuring sadaya miharep Ketua PWI Jabar sangkan nibankeun sangsi tegas ka anggota nu henteu taat kana putusan organisasi,” ceuk Nila Kusuma Ketua PWI Kabupatén Karawang nu dienyakeun ku sakabéh anu hadir.
Ka anggota anu teu nurut kana putusan organisasi, Hilman nunggu laporan ti nu haladir. “Mun tos aya laporanana, bakal aya tindak lanjutna saluyu sareng mékanisme organisasi,” Hilman nandeskeun.
Leave a comment