Home Warta Katumbiri Masarakat Miskin di Jawa Barat Ngurangan 0,38 Persén
Katumbiri

Masarakat Miskin di Jawa Barat Ngurangan 0,38 Persén

Share
Matéri Profil Kamiskinan Berita Resmi Statistik BPS Jabar. (foto: Humas BPS Jabar)
Share

“Angka kamiskinan nu lungsur téh jalaran kaayaan ékonomi makro nu saé, ditambih ku rupaning program bantosan ti pamaréntah kanggo masarakat,” ceuk Darwis tandes naker.

Masarakat miskin di Jawa Barat per Séptémber 2024 téh 3,67 juta urang atawa 7,08 persén. Angka éta ngurangan 0,38 persén poin batan periode Maret 2024 nu lobana 3,85 juta urang. Hal éta ditepikeun ku Kepala Badan Pusat Statistik (BPS) Provinsi Jawa Barat, Darwis Sitorus dina rilis Berita Resmi Statistik di Aula Kantor BPS Provinsi Jawa Barat (15/01/2025).

Kaayaan ékonomi makro nu positif,  Inflasi bisa dikadali, jeung kamekaran ékonomi triwulan III 2024 nu tumuwuh 2,59 persén batan triwulan I 2024 jadi indikator angka kamiskinan periode Séptémber 2024 di Jawa Barat ngurangan. Indikator lianna mah Tingkat Pengangguran Terbuka (TPT) dina Agustus 2024 nu turun 0,16 persén batan Fébruari 2024.

“Angka kamiskinan nu lungsur téh jalaran kaayaan ékonomi makro nu saé, ditambih ku rupaning program bantosan ti pamaréntah kanggo masarakat,” ceuk Darwis tandes naker.

Kepala BPS Provinsi Jawa Barat, Darwis Sitorus nétélakeun yén pikeun ngukur Garis Kemiskinan (GK) mah, BPS maké konsép kamampuh nyumponan kabutuhan dasar. Ku pamarekan éta, kamiskinan ditilik tina kamampuh ékonomi keur nyumponan kabutuhan dasar dahareun jeung lain dahareun.

“Garis Kamiskinan Séptémber 2024 téh Rp.535.509 per kapita per sasih. GK undak 2,19 persén batan Maret 2024. Komoditi katuangan nyumbang 74,72 persén kana Garis Kamiskinan Séptémber 2024,” ceuk Darwis écés naker.

Di kota mah dahareun nu mangaruhan kana garis kamiskinan téh nyaéta béas 22,08 persén, roko kréték filter 12,09 persén jeung daging hayam neger 5,36 persén. Demi nu lain dahareun mah nyaéta paimahan 9,18 persén, béngsin 3,70 persén, listrik 2,51 persén.

Di pilemburan mah kadaharan nu mangaruhan kana garis kamiskinan téh nyaéta béas 25,52 persén, roko kréték filter 8,79 persén, jeung endog hayam negeri 4,51 persén. Nu lain dahareun mah nyaéta paimahan 10,13 persén, béngsin 3,09 persén jeung listrik 1,65 persén.

Angka kamiskinan Séptémber 2024 téh pangleutikna ti Maret 2020 nu ngahontal 7,88 persén. Ngan masih leuwih gedé batan angka kamiskinan Séptémber 2019 nu nepi 6,82 persén. Darwis Sitorus ngécéskeun yén nurutkeun status wilayah, kamiskinan pakotaan ngurangan 0,42 persén poin atawa 141,06 ribu urang. Di pilemburan mah ngurangan 0,22 persén poin atawa 39,26 ribu urang.

Dina éta kasempetan gé ditepikeun Indeks Kedalaman Kemiskinan (P1) jeung Indeks Keparahan Kemiskinan (P2). Indeks Kedalaman Kemiskinan mah nu dikaluarkeun ku masakarat kana garis kamiskinan. Indeks Keparahan Kemiskinan (P2) indikasi balanja nu ganjor di antara masarakat miskin.

Indeks Kedalaman Kemiskinan turun tina 1,21 dina Maret 2024 jadi 1,05 dina Séptémber 2024.  Indeks P1 di pilemburan mah 1,44 leuwih loba batan kota nu aya dina angka 0,96. Demi Indeks Keparahan Kemiskinan turun tina 0,29 dina Maret 2024 jadi 0,24 dina Séptémber 2024.

Gini Ratio (Tingkat Ketimpangan Pengeluaran) Séptémber 2024 di Jawa Barat téh 0,428. Asup kategori ganjor nu sedeng. Sacara wilayah, Gini Ratio pakotaan mah 0,439 leuwih loba batan pilemburan nu 0,327. Nurutkeun kriteria Bank Dunia persentaseu nu dikaluarkeun ku kelompok penduduk 40 persén panghandapna nyaéta 16,48 persén, kaasup nu sedeng. Ku data-data éta, ceuk Darwis, cindekna kondisi kamiskinan di Jawa Barat Séptémber 2024 batan Maret 2024 téh mendingan, ngan nu ganjorna rada ngalegaan.***

Share
Written by
Yadi Karyadipura -

Wartawan & Pangarang. Jajatén ninggang papastén.

Leave a comment

Tinggalkan Balasan

Related Articles
Katumbiri

Plt IKWI Resmi Ditunjuk Dina Perayaan HPN 2025 di Riau

PEKANBARU:  Ikatan Keluarga Wartawan Indonésia (IKWI) ngalaksanakeun silaturahmi nasional jeung konsolidasi nu...

Katumbiri

Puncak Dipiélingna HPN 2025 di Riau Menkomdigi: Waktuna Mentés Kawani, Integritas, jeung Sumanget Juang

Pekanbaru, 9 Fébruari 2025 – Puncak Dipiélingna Hari Pers Nasional (HPN) 2025...

Katumbiri

Ngararapih Réklame di Kota Bandung Butuh Perda Anyar

Kota Bandung – Ketua Pansus 3 DPRD Kota Bandung, Dr. Ir. H....

Katumbiri

Dibekelan Sertifikat BNSP Lulusan SMKN 5 Bandung Babari Digawé

Kota Bandung – Siswa tingkat ahir di sakabéh jurusan nu aya di...