Kiper Persib Bandung musim 2010 – 2011, Markus Haris Maulana, ngalegaan ambahan di dunya menbal kalayan ngadegkeun sarana atikan, nu dingaranan MH Soccer Academi. Demi nu bisa diajar téh budak ti mimiti umur 6 taun nepi ka 18 taun. Anapon pola latihanana dibédakeun, keur budak umur 6 – 11 taun mah latihanana saminggu tilu kali. Atuh keur budak nu umurna 12 – 18 taun mah latihanana saminggu opat kali.
Di mana latihanana téh? nya di Stadion Siliwangi, Jl. Lombok No.10, Merdeka, Kec. Sumur Bandung, Kota Bandung. Pikeun Manten Kiper Timnas Indonésia, ngurus sarupaning Sekolah Sepakbola (SSB) téh lain hal nu anyar. Da aya tapak ngurus Akademi Sepakbola jeung Nova Arianto, Pelatih Timnas U-17. Ku kituna aya sumanget nu ngaedur dina diri Markus Haris pikeun medalkeun atlét ménbal profésional. Angot Walikota Bandung, Muhammad Farhan aya karep yén Kota Kembang jadi épiséntrum sépakbola Indonésia.
Leave a comment