Home Warta Tamu Firda ‘Marsya’ Kurnia: Lagu téh Tamperan Jiwa
Tamu

Firda ‘Marsya’ Kurnia: Lagu téh Tamperan Jiwa

Share
1. Gitaris & vokalis Voice of Bacéprot. Firda ‘Marsya’ Kurnia. (foto: instagram @marsyavob)
Share

Firda ‘Marsya’ Kurnia (gitaris & vokalis VoB) téh asup daftar 100 Wanoja Inspiratif jeung Gedé Pangaruhna versi BBC. Marsya mangaruhan masarakat dunya ngaliwatan musik jeung lagu. Moal saat ide keur nyieun lagu mah. Da inspirasina tina rupaning hal nu silih sigeung jeung kahirupan pribadi. Marsya ngahirupkeun laguna ku pépéling kahirupan. Nu karandapan ku pribadi tur nyata di sabudeureun mah amanat tina lagu téh babari ditepikeunana.

“Inspirasi lagu téh nyadap tina naon nu katinggal, karaos, kaémutan ku pribadi sareng sabudeureun. Upami ancrub langsung mah gampil dina ngadugikeunana,” ceuk Marsya dina katerangan via WhatsApp ka Manglé (23/11/2024).

Lagu nu ditulis ku Marsya téh aya nu basa Inggris. Mojang nu lahir tanggal 27 Juni 2000 téh nandeskeun yén dina ngukur kamahéran basa Inggris ku cara dipaké lain diapalkeun. Ngan warga Indonésia mah kalolobaan éra maké nyarita ku basa Inggris.

“Sanés teu tiasa, nanging isin, isin disebat so inggris. Sawios sanaos mung terang sababaraha kecap, upami dianggo mah tiasa nambihan,” pokna.

Marsya gé ngamangpaatkeun kamampuh basa Inggrisna keur komunikasi jeung bulé. Cara kitu sakalian latihan nyeukeutan pangdéngé. Lantaran bulé mah ngomongna leuwih gancang.***

Mangle No. 3005

Share
Written by
Yadi Karyadipura -

Wartawan & Pangarang. Jajatén ninggang papastén.

Leave a comment

Tinggalkan Balasan

Related Articles
Tamu

KH. Jeje Zaenudin; Ukhuwah Islamiyah Sarana Katingtriman Bangsa

Ilaharna, dina kaayaan kahirupan nu keur dirungrum ku lobana kahariwang, sok teu...

Tamu

Prof. Cecep Darmawan; Waktuna Jabar Némbongkeun Kakuatan di Tingkat Nasional

Larapna démokrasi saperti Pilkada Jabar 2024 ka tukang-tukang, lain semet milih pamingpin,...

Tamu

Wahyudin Iwang; Loba Invéstor Kotor Alatan Aturan Henteu Peurahan

‘Alam ngajaga urang, urang ngajaga alam’. Ieu kekecapan, negeskeun, yén dina ngurus...

Mo Sidik, Komika nu kasohor. (foto: istimewa)
Tamu

Mo Sidik: Di Tatar Sunda Humor Jadi Budaya

Urang Sunda mah resep heureuy. Tina ngabanyol téh sok tuluy jadi bukur...