Ari geus kuduna mah boga préstasi, henteu kudu ngadagoan gedé heula. Najan umurna masih di handap lima taun gé bisa. Contona Chelsea Malik Alfarano anu dina umur tilu taun geus jeneng Juara 1 Lomba Foto Katagori Bayi basa umurna lima bulan gé acan. Nyaéta dina raraga milangkala Outlet Danis Baby Kid nu diayakeun dina instagram.
Kitu deui kungsi Juara 2 Lomba Foto Bayi & Balita Happy di Mall Asia Plaza Kota Tasikmalaya.

Chelsea Malik Alfarano anu sapopoéna sok ditelah Baby Chelsea téh putra katilu Bapa Marta Rano sareng Ibu Hesti Ochtaviani. Bumina di Perum Andalusia Blok Granada, Mangkubumi Kota Tasikmalaya.
Chelsea nu lahir di Banjar 28 Séptémber 2021 téh di bumina resep pisan kana nyanyi. Kitu deui boga sifat wanter henteu éraan, aktip sarta sok hayang apal waé kana hal-hal anu anyar.

Najan kasebutna mojang cilik pisan, anu jangkungna saméter ogé masih kurang saeutik, tapi Chelsea Malik Alfarano geus boga warna karesepna. Nyaéta warna pink atawa kayas.
Ari cita-cita? Naha badé siga rama anu janten wirausahawan, atanapi siga eyangna nu janten polisi?
Hoyong janten dokter atanapi polisi cenah ceuk ibu ramana mah. Mugia tinekanan. ***
Mangle 3013
Leave a comment