Home Warta Katumbiri Aplikasi KomDesa Nyukangan Pakar jeung Pasualan Masarakat
Katumbiri

Aplikasi KomDesa Nyukangan Pakar jeung Pasualan Masarakat

Share
Pamedalan aplikasi KomDesa dina acara Unisba Expo 2025 (23/1/2025). (foto: Yadi)
Share

Bandung – Pamedalan aplikasi KomDesa (Komunikasi Desa) téh bagian tina paméran inovasi Unisba Expo 2025 (23/1/2025). Éta aplikasi téh dikokolakeun ku Kepala Pusat Pengembangan Teknologi dan Kewilayahan, Dr. Imam Indratno, S.T., M.T., jeung mahasiswa Unisba. KomDésa téh dijieun keur nepungkeun kaahlian nu dipiboga ku Unisba jeung kabutuhan masarakat désa.

Imam Indratno nétélakeun yén KomDésa sarana masarakat désa pikeun nepikeun naon baé nu dipikabutuhna. Ngaliwatan KomDésa, masarakat bisa konsultasi jeung pakar ti Unisba. Aspirasi nu kasakuan téh diropéa jadi program pangabdian ka masarakat (PKM).

“Janten program-program PKM téh dumasar data sareng kabutuhan nyata di masarakat,” ceuk Imam tandes naker.

Kepala Pusat Pengembangan Teknologi dan Kewilayahan, Dr. Imam Indratno, S.T., M.T., nepikeun katerangan ka média. (foto: Komhumas Unisba)

Iman ngémbohan yén aplikasi KomDesa téh ngawengku 42 komunitas di Walagri jeung 10 désa binaan. Iman miharep KomDesa bisa dilegaan deui kalayan ngajak partisipasi kampus séjén jeung mitra industri. Lantaran éta aplikasi téh ngarojong kamekaran produk lokal saperti gula kawung, kopi, produk pangan lianna, kalayan miroséa aspék gastronomi jeung sertifikasi halal.

“Ditilik tina perspéktif LPPM Unisba, poténsi désa téh ageung pisan. Mung dina ngokolakeunana tinemu sareng pasualan Sumber Daya Manusa. Janten kumana carana ningkatkeun value added SDM. Produk gula kawung, kopi, bungbuahan, ulah mung janten produk dasar. Kedah dikembangkeun tina aspék gastronomi, sértifikasi halal, sareng standarisasi lianna,” ceuk Imam écés naker.

Aplikasi KomDesa bisa ngabaca pasualan masarakat tur dijawab ngaliwatan program PKM. KomDesa mastikeun sakabéh prosés PKM téh kudu dumasar kana kabutuhan masarakat. Imam miharep éta aplikasi téh jadi sarana ngadalitkeun Unisba jeung masarakat. Tri Dharma Perguruan Tinggi nu dilaksanakeun ku Unisba téh méré kontribusi nyata ka masarakat.***

Share
Written by
Yadi Karyadipura -

Wartawan & Pangarang. Jajatén ninggang papastén.

Leave a comment

Tinggalkan Balasan

Related Articles
Katumbiri

Plt IKWI Resmi Ditunjuk Dina Perayaan HPN 2025 di Riau

PEKANBARU:  Ikatan Keluarga Wartawan Indonésia (IKWI) ngalaksanakeun silaturahmi nasional jeung konsolidasi nu...

Katumbiri

Puncak Dipiélingna HPN 2025 di Riau Menkomdigi: Waktuna Mentés Kawani, Integritas, jeung Sumanget Juang

Pekanbaru, 9 Fébruari 2025 – Puncak Dipiélingna Hari Pers Nasional (HPN) 2025...

Katumbiri

Ngararapih Réklame di Kota Bandung Butuh Perda Anyar

Kota Bandung – Ketua Pansus 3 DPRD Kota Bandung, Dr. Ir. H....

Katumbiri

Dibekelan Sertifikat BNSP Lulusan SMKN 5 Bandung Babari Digawé

Kota Bandung – Siswa tingkat ahir di sakabéh jurusan nu aya di...